رضوى مدحت
رضوى مدحت
الدراسة: آداب إنجليزي جامعة طنطا
الوظيفة: باحثة في العدالة الجنائية بالمبادرة المصرية للحقوق الشخصية
"كانت مذبحة بورسعيد يعني انا دي اكتر حاجة جابتني الأرض لأنه انا طول عمري عادي جدا السياسة بالنسبة لي حاجة كده من بعيد اه بقرا الاخبار بتاع مش مهتمه خالص. طول عمري أحب السينما وبحب الأغاني واتفرج على ماتشات الأهلي وكمان مش منتخب، حقيقي ده بجد كل اهتماماتي في الدنيا كانت كده فكان بالنسبة لي الأهلي حاجة يعني مهمة. فأنك تبقي بتتفرجي كده وتبقي عارفة ناس من اللي ماتوا. يعني انا صحابي كانوا قرايب كريم خزام وانس كان ابن اخوا واحد معايا في الشغل واعرف انس وكان ليا ناس اصحابي كانوا رايحين وماراحوش وفكرة انه انت عندك طول الوقت النقاش بتاع انه ناس تنزل مظاهرة وعملين حاسبهم انهم فعلا هاتعرضوا لعنف فبيردوا او طيب مين بدا الأول...يعني فيه النقاش ده. بس دي الحاجة الوحيدة اللي انا شايفاها حصلت فعلا غدر لانه فعلا عيال رايحة تتفرج على ماتش كورة وبس. بغض النظر عن الهتافات اللي كانوا بيقولوها كان فعلا بيهتفوا علشان يشجعوا كورة فيحصل فيهم ده كدة والمنظر الهلامي والبشع ده يعني بعتبرها اكتر حادثة غادرة حصلت