Towlennik #328 - Kowsva

Da yw genev rosya pub myttin. My a yn kerdh may fo brys kler dhymm dres an jydh. Ytho, kyns my dhe dhalleth ow ober, my a wra dewis a hyns teg ha rosya nebes. My a gar keow leun a vleujyow ha gwydh delek. Bryntin yw gweles oll an henwyn tyller yn Kernowek keffrys. My a wrug gweles lies anedha ha my ow kerdhes an myttin ma: Karn Ardhen, Karn Entral, Bre, ha Chi an Dowr. Dhe wir, lies arwodh fordh yw leun a Gernowek ha skant ny welir Sowsnek warnedha. Yma styr apert dhe lies anedha. Byttegyns, ny yllir konvedhes nebes erel. My a wovyn orth Craig Weatherill rag gweres mars eus kudyn konvedhes dhymm. Ytho, my a wovynnas orto ow tochya ‘Karn Entral’. Ev a lever na wor ev an styr ha nyns eus dustuni dhodho gans lytherenansow erel dres an bledhynnyow. Tyller ughel yw gans gwel an tir oll a-derdro. Ytho, a allsa bos neppyth kepar ha ‘Karn an tirwel’? Eus tybyansow erel dhywgh?