Nepal Flood 2017_Audio update #2 (13-08-2017)

Aug 13, 2017, 09:30 AM

तराईका जिल्लाहरुमा बाढीको बढ्दो प्रभावले हजारौँ मानिसहरु अलपत्र परेका छन् । दुई दिनदेखि खान बस्नको टुङो छैन । यातायात मात्र हैन सञ्चार सम्पर्क समेत विच्छेद भएको छ । यी कारणले समयमा उद्दार राहत पुर्याउन नसकिएको उद्दारकर्ताहरुको भनाई रहेको छ । हाम्रो निरन्तरको प्रयास, तराईका जिल्लाहरुमा फोन सम्पर्क गरी बाढीको प्रभाव र वर्तमान अवस्थाको बारेमा जानकारी लिने । यसै क्रममा हामीले बारा, पर्सा र महोत्तरीमा सम्पर्क स्थापना गर्न सक्यौँ । त्यहाँ पानी जमेर समस्या त छ नै, रेडक्रसकै पदाधिकारीहरु पनि बाढीको कारण न कार्यालय जान सक्ने न घर भएका छन् । पानी जमेका स्थानहरुमा सर्पको टोकाइ बढ्ने खतरा पनि देखिएको छ । यसैबीचमा धेरै जिल्लाहरुमा आज जिल्ला दैवीप्रकोप उद्दार समितिको वैठक बसिहेकोले अब केही निर्णय पक्कै होला र प्रभावितहरुले राहत पाउलान् भन्ने विश्वास गर्न सकिन्छ । दोस्रो चरणको प्रयासमा बारा, पर्सा र महोत्तरी जिल्लाबाट त्यहाँको वस्तुस्थितिको बारेमा केही आवाजहरु समेटेका छौँ । सुन्नुहोला ..............