Towlenyk 001 - Beginners guide to RanG #295

Towlenyk 001 Yth eson ni owth assaya neppyth nowydh dhe Radyo an Gernewegva. Y fydhyn ni ow pareusi towlennyk pub seythen may hallo dallethoryon konvedhes nebes moy a’n dowlen. An seythen ma ni a woslow orth An Stevel Dreylya orth dalleth an dowlen ha leverel bos an gan ‘Gwrello Glaw’ dhe vos senys dhe Wool Ylow Logh. Ena, ni a woslow orth derivas dhyworth an gool. Ashley Taylor a dhe dhyskans Kernowek ha klappya gans an dyskador, Mark Trevethan. Ev a lever bos meur a Gernewegoryon a-der-dro. Yma keswel berr gans onan anedha, Gari An Gov. Ray Chubb a govha y goweth Eddie Climo neb a verwis an seythen yw passyes yn kres an dowlen. Yma treylyans an pyth a wrug ev leverel (dre vras) y’n lyther nowodhow ‘Kevren’. Nicholas Williams a gows yn kever Myghtern Massen. Ev o roman ha henwys Maximus. Byttegyns, ev a dheuth ha bos aswonnys gans an Gembroyon avel Macsen Wledig. Yma Nicholas owth usya lavar dhe les omma; “Pan eth Maximus dhe Brovyns Gal…” A yllowgh hwi usya hemma y’gas keskows an seythen ma? Martesen y hyllir leverel; “pan av…” …ow styrya ‘pan wrav vy mos…’ Yma keswel gans Mark Trevethan wosa gwariyk ‘George ha Samantha’. Yma ev ow kewsel yn kever an pyth yw da ganso dhe’n keskusulyans Skians.
Agas gweles arta nessa seythen… tereba nessa. 29.9.2016