Towlennik #299 - Kernow Kowal

Beginners and students of Cornish can listen to this podcast before listening to the full-length show on www.anradyo.com. The text is below:

Ni re dhallathas an dowlen an seythen ma yn unn seni kan gans Brian Webb. An gan yw henwys ‘tan y’n golon’. Senys veu ha meur a Gernowyon ow pareusi mos dhe Lannstefan dy’ Sul yn unn geskerdhes erbynn towl kesunya diw geverang – an eyl a Gernow hag hy ben a Dhewnans. Nena, ni eth dhe werthji yn ogas dhe Gammbronn, le mayth eus tyller gelwys ‘An Gowsva’. Dy’ Gwener yth esa bagas a Vretonyon ena yn unn dhyski nebes agan taves. Y hyllir klewes y’n dowlen an bagas ow kana ‘Broder Jakka’ yn Kernewek. Diwettha y’n dowlen ha ni a woslow orth Andrew Barkla hag eva ow lenna y hwedhel ‘Jakka’. Termyn verr yw kyns Lowender Peran. Ytho, lewydh an gool, Jowdy Davey, re wrug argemmyn. A yllowgh klewes lev hy babi nowydh yn unn oola? Nicholas Williams re viras orth an desten ‘pystri’ an seythen ma. Ev re leveras an hwedhel berr ynter an termyn ha pobel ow krysi yn pystri ha’n prys ma ha ni ow tybi moy gans godhvos gwell a skians. Nessa seythen, y fydh derivas dhyworth Pons Polson ha ni ow strivya erbynn ‘KerNans’.

(Meur ras Esme Tackley for help in making sure the FSS spelling is correct in this) #Cornish #language #Kernewek #Kernow #Cornwall #celtic