Towlennik #300 - Pons Polson

This beginners version of Radyo an Gernewegva is intended to accompany the main show. Listen to this first with the script below - then listen to the main show.

Yma diw dra veur a-vri y’n dowlen an seythen ma. An kensa yw an protest war Bons Polson erbynn ‘Kernans’ …ha Lowender Peran. Jerry Sethir re wrug an derivas bras adro dhe’n keskerdh war or Kernow ha Dewnans. Moy es tri hans person eth di 30ves mis Hedra ynn unn brotestya erbynn towl an Kessedhek Oryon Breten Veur. An Kessedhek a grys bos edhomm a gesunya keverang Kernow Gledh gans Torridge awos an niver a bobel. Byttegyns, meur a Gernowyon a grys bos erbynn gonisogeth a Gernow. Norman Lamb MP a dheuth yn unn skoodhya. Mes nyns esa sin vydh a esel senedh a Gernow. Ytho Kernowyon brout a bub par a sevis warbarth, gwevya banerow gwynn ha du, ha kana rag gwitha or Kernow par dell yw y’n eur ma. Lowen en gweles bagas a vretonyon neb a dheuth yn unn skoodhya ynwedh. Yth esens ow kwevya aga baner ha gul dons Bretonek war an pons ha Kernowyon ow lettya an kerri. Mar mynnowgh klewes moy – goslowewgh orth an dowlen veur ha mires orth Pellwolok an Gernewegva der Youtube. Nessa seythen y fydh ylow ha keskows dhyworth gool Keltek Tewyn Blustri; Lowender Peran. Agas gweles.

#Cornish #Cornwall #Kernow #Kernewek #SpeakCornish #celtic #language #culture #heritage