Towlennik #301

Towlennik 301 Yth eson ni dhe Lowender Peran an seythen ma. An gool keskeltek ma re beu synsys dhe Dewynblustri rag nessa bledhen. Keltyon a dheuth dhe’n Ostel Atlantek a dhyworth pub a’n hwegh bro geltek. Yth esa lies tra a vern dhe Gernewegoryon hevlena na veu gwrys kyns. ‘Kensa Keskan’ o an geskan ygeri. Synsys veu dy’ Yow y’n nos gans keuryow ow kana kanow meurgerys gans Kernowyon. Yth esa Keur Kemenethek Porthia, Keur Tewyn Blustri hag ‘Oll an Gwella’. Puptra veu kenys yn Kernewek y’n diwettha rann an geskan; kanow kepar ha Dewlagas Vyghan, Rosen Wynn, Bro Goth, ha Trelawney. <> Kyns an geskan, yth esa esedhvos blasa korev dre Gernewek ha Sowsnek. Ledyes veu gans Pol Hodge: “Wel an korev ma yw marthys da, hemm yw Tribute… hem yw gwrys gans bragti Sen Austell… er… da yw pub korev omma,” Dhe’n diwettha dydh, yth esa performyansow gans dew vagas gans kanow yn Kernewek; The Changing Room ha Grenaways. Unn gan gans The Changing Room veu kenys gans den a vri Rory McGrath yn Kernewek. Dy’ Sul, my a glappyas gans lewydhyon an gool Merv Davey ha Jowdy Davey yn unn wovyn orta mars o sewen bras? Dhe wir, an lewydhyon a vynna gwertha moy a doknys hevlena ha res yw dhedha tybi yn town pyth dhe wul 2017. A vydh Lowender Peran dhe Dewynblustri arta? A vydh gool vytholl? Res yw dhyn gortos rag pella kedhlow anedha. Lemmyn, goslowewgh orth an dowlen veur. Bys y’n nessa seythen. #Cornish #Cornwall #Kernow #Kernewek #SpeakCornish