Towlennik #304

Lucy Sans, Pewasow Gorsedh Kernow ha Nadelik.

Towlennik 304

Mis Kevardhu yw hag yma dhe Radyo an Gernewegva omglewans Nadelik. Yth eson ni ow seni kanow ha tonyow a’n seson dres an mis ma. Martesen hwi a garsa seni an dowlen ha hwi owth ygeri agas royow Dydh Nadelik. Kekeffrys ha’n ilow, y fydh nebes redyansow Nadelik ynwedh. Nicholas Williams a gows war desten dihaval rag an mis ma; Gool Lucy Sans. An Romanyon a ledhas Lucy y’n peswora kansvledhen. Lemmyn, an merther ma yw Sans Sweden … ha devedhyans hanow a’n enys Sen Lucia. Ny vynnyn ni lenwel oll an dowlen gans Nadelik hepken an seythen ma. Ytho, Delia Brotherton a gows a-dro dhe bewasow a’n Orsedh. Taklow re janjyas rag 2017 gans rann rag tevesigyon ha rann rag tus yowynk, yn-dann etek bloodh. Yn- mysk an argemynnow erel, Pol Hodge a re kov dhyn a’n werth 17ves a’n mis ma dhe’n Gowsva dhe Grestir. Chons yw prena lyvrow, cidis ha taklow erel orth pris isel dhyworth Kowethas an Yeth Kernewek. Mar mynnowgh hwilas ro arbennek rag Kernewegor, ottomma agas chons. Na rewgh ankevi bos Ashley Taylor yn Kernow Est, Jerry Sethir yn Kernow Gledh ha Kres, ha my, ow hwilas hwarvosow dhe’ga sonskrifa. Leverewgh dhyn. Martesen yma agas klass ow pareusi gwari ha da via y seni der Radyo an Gernewegva? Lemmyn, goslowewgh orth an dowlen veur.