Towlennik #309 - Kyns Kan Rag Kernow

Bledhen nowydh da re’gas bo. Fatel o Nadelik genowgh? Ottomma agan kynsa towlen yn diw vil ha seytek. Pandr’a wra hwarvos genowgh hevlena? Radyo an Gernewegva a wra pesya gans an dowlennik dres an vledhen ha derivas dhywgh a-dro dhe hwarvedhyansow y’n bys Kernewek ha Keltek keffrys. Kynsa tra a vern an mis ma yw Kan Rag Kernow. Synsys vydh dy’ Gwener ugensves dhe Ostel Pennfenten yn Resrudh. Y hyllir prena toknys orth an daras orth eth peuns poken hwegh peuns kyns an kesstrif. Res yw dhywgh kestava orth Jenefer Lowe rag kedhlow pella. Y fydh Radyo an Gernewegva ena ha sonskrifa oll an hwarvedhyans. Breusysi a dhewis unn gan an nos na rag hy danvon dhe Iwerdhon y’n Gwenton. An gan a vydh kenys dhe’n Kesstrif PanKeltek yn Carlow. Kernow re waynyas lieskweyth… nans yw diw vledhen yth esa sewen bras gans ‘The Changing Room’. Ottomma tamm an gan neb a sewenis yn Derry yn 2015. Henn yw oll… lemmyn, goslowewgh orth an dowlen veur ha leverel dhe dus erel a-dro dhe Radyo an Gernewegva ha’n yeth Kernewek ynwedh.