Towlennik #310

Towlennik 310 An seythen ma, Radyo an Gernewegva a glew komendyans Jakki Love, wosa hi dhe vos dhe Bennsans rag Para Kesunyans. An hwarvedhyans ma a vydh synsys yn Ostel Kesunyans pub dy’ Meurth y’n gorthugher. Pol Hodge, Will Coleman ha Hilary Coleman a wra dyski an taves ena. Jakki a leveris bos moy es dew ugens person y’n bar ha pur dhidhanus o. Kekeffrys ha henna, Frances Bennett a wrug kewsel genev a-dro dhe hwarvedhyans synsys dy ‘Sadorn yw passys. Degol Stul o kevewi vras gans ilow, dons ha Kernewek. Synsys veu dhe Grestir… po Heartlands. Ni a woslow orth ilow nowydh gans bagas nowydh ynwedh. Neil McMahon yw krowder hag ev re askorras cidi gans Brendan McGreal. Yma moy a gedhlow der Facebook yn-dann an hanow ‘Cornishunderground’. Nowodhow erel: ni a wra kedhla Pennseythen Gernewek Kowethas an Yeth Kernewek. Synsys vydh yn Tewynblustri mis Ebryl. Yma moy a gedhlow der www.cornish-language.org. Gonis nowydh re dhallathas yn unn dhyski Kernewek: www.bitesizecornish.co.uk Gwrys yw gans Shaun McBride. Henn yw oll… goslow orth an dowlen veur lemmyn.