Towlennik #311 'Tristan hag Isolt'

Towlennik Radyo an Gernewegva a’gas dynnergh. Yma Nicholas Williams ow kewsel ow tochya Tristan hag Isolt y’n dowlen veur an seythen ma. Heb mar, mars yw dhe les dhywgh henhwedhlow, pur dhe les a vydh y dherivas eev. Yn-medh Nicholas: “Yma eskern an hwedhel kevys yn lies vers yon hag yn lies pow. An versyon gwreydhek yw yndelma: yma mowes teg yonk ambosys erbynn hy bolonjedh avel gwreg dhe vyghtern koth. Yma hi ow konstrynya den yonk semli ha servont an myghtern dhe dhiank gensi may halla hi goheles an mariaj kasadow…” Heb mar, hwi re glewas ev dhe usya ger ‘mariaj’ y’n le ‘demmedhyans’. Yma dew avisyans gans Rod Lyon an seythen ma. Onan anedha yw skrifys a-dro dhe lyver nowydh gans Anne Trevenen Jenkin. Yma ken onan ow tochya y lyver nowydh y honan. Ni a glew lev Shaun McBride ynwedh. Yma ev ow lenna hwedhel nowodhow ow tochya morvleydh. Ev re dhallathas gwiasva Gernewek nowydh ynwedh. Hwilewgh www.bitesizecornish.co.uk Henn yw oll an seythen ma. Tereba nessa.