Towlennik #312 - Kan Rag Kernow 2017

Kan Rag Kernow diw vil ha seytek a veu synsys dy’ Gwener ugensves a vis Genver dhe Ostel Pennfenten yn Resrudh. Tri bagas a wrug seni kanow yn unn waytya bos dewisys avel kannas Kernow dhe Iwerdhon dhe’n Kesstrif Kanow Pan-Keltek. Y fydh synsys hevlena yn Carlow, mis Ebrel. Tom Reilly ha’n Swaggers a ganas y’n kynsa ha holyes gans Mebyon Vreanek (The Aggie Boys). An tressa bagas o An Grenaways. I a ganas ‘Ster Kosel’, treylyes dhe Gernewek gans Elizabeth Ellis. An vreusysi, Pat Crewes, Jamie Toms ha Mark Trevethan, eth yn-mes a’n stevel rag breusi. ‘Holan hag Ebron’ a wrug seni ilow krowd rag hanter our kyns i dhe dhehweles dhe’n stevel gans aga ervirans. Pat Crewes a dherivas bos dewis kales. Byttegyns, an tri anedha re erviras bos sewen dhe’n Grenaways. An bagas a berformyas aga han unweyth moy… ottomma nebes a’n gan: Lemmyn, goslowewgh orth an dowlen veur. Agas gweles nessa seythen.