گوادر کے حوالے سے خصوصی مباحثہ

پاکستان کے صوبے بلوچستان میں تین سال قبل بلدیاتی انتخابات کا انعقاد ہوا اور ایک سال کے بعد بلدیاتی ادارے منتخب نمائندوں کے حوالے کیے گئے۔ صوبے کے ساحلی علاقے گوادر کے شہری مسائل کے حل کے لیے یہ نمائندے کیا کردار ادا کر رہے ہیں۔ پانی کی فراہمی، نکاسی، تعلیم اور صحت کے شعبے کے مسائل کس قدر کم ہوئے ہیں۔ گوادر میں ہمارے ساتھی ریاض سہیل نے بلدیاتی اداروں کے نمائندوں کے علاوہ شہری اور تاجر رہنما سے بات کی اور ان سے اسی پر سوالات کیے۔