Towlennik #316 - Gool Kernewek Pennsans

Termyn pur vysi yw dhe Gernewegoryon y’n eur ma awos bos gool yn Pennsans ha Gool Piran orth y holya ynwedh. Dres an seythen ow tos, yma dew le gans hwarvosow ynna: Gwariva an Vesen hag Ostel Kesunyans. An wariva a wra synsi ynni ilow, arethow ha gwariow. Meur anedha a vydh y’gan taves ni. An ostel a vydh tyller rag synsi hwarvos kepar ha Tregedna. Tregedna o pennseythen le mayth esa Kernewegoryon ow klappya Kernewek hepken. Y fydh yn Ostel Kesunyans nebes stevellow hag ynna difen erbynn klappya saw Kernewek. Byttegyns, y fydh Kernewek klewys oll a-dro dhe stretys an dre. Bagas a Gernewegoryon a wra mos yn tro ‘korevessa ’ ha kana Kernewek yn lies diwotti. Mars eus diwdros hag i a’s teves kerdhes, yma kerdhow diwyethek ledyes gans Ken George, Mick Paynter, ha Wella Chubb. Wosa oll a hemma, y fydh Gool Piran synsys y’n dre gans keskerdh bys dhe Eglosvadern. Lemmyn, goslowewgh orth an dowlen veur.