Towlennik #317

Yth eson ni ow tehweles dhe Bennsans an seythen ma yn unn vires orth an hwarvosow Kernewek synsys y’n dre. Ni a gows gans meur a Gernewegoryon yn Gwariva an Vesen wosa keskussulyans a-dro dhe ‘Vinorytys Ethnek’ hag ‘Agan Lev’. ‘Agan Lev’ o chons rag Kernewegoryon dhe vires orth agan taves y’n termyn a dheu. Ni a dhadhlas war hwithrans Krefterow, Gwanderow, Chonsyow ha Godrosow. Wosa henna, pubonan a assayas tybi a-dro dhe’n ‘wel vras’ y’n bledhynnyow ow tos. Kekeffrys ha hemma, ni eth dhe Ostel Kesunyans ha klappya gans Will Coleman ha Stephen Gadd. Nena, pubonan y’n stevel- dhybri a ganas ‘Holan Moy’. Agan towlen a wra mires war-tu ha Dy’gol Piran ynwedh. Meur a ilow re beu dewisys rag solempnya an gool. Lemmyn – goslowewgh orth an dowlen veur.