Towlennik #319

An dowlen a gows war destennow divers yn peswar pow Keltek an seythen ma. Heb mar, yth eson ow klappya ow tochya hwarvosow yn Kernow kepar ha ‘Porthkellys a Gan’. Byttegyns, nans yw seythen, yth esa meur ahanan ow solempnya Gool Patryk ynwedh. Awos henna, ni a vynn seni nebes kanow Iwerdhonek – mes gans geryow Kernewek. Dres henna, yma dyskans Godhalek dres Kernewek. Ni a dhe Gembra ha goslowes orth moy a’n hwedhel Tim Saunders ‘Yntra Kosk ha Kosk’. Ha splann yw goslowes orth lev Esther Johns. Hi yw trigys yn Breten Vyghan y’n eur ma. Hi re dhanvonas dhyn derivas a’y bewnans y’gan hworvro. Y hyllir klewes nebes Bretonek kewsys y’n derivas na ynwedh. Yma ‘George ha Samantha’ genen arta. Ymons ow payntya an chi. Byttegyns, nyns yw mar sempel es henna hag yma argyans ha krodhvolas yntredha. Teyr seythen yw kyns ‘Pennseythen Gernewek’ Kowethas an Yeth Kernewek. Esowgh ow mos? My a wayt dhe’gas gweles ena Lemmyn, goslowewgh orth an dowlen veur.