Towlennik #322

Wosa hwedhla ow tochya bewnans Jenner, Nicholas Williams a dhalleth y dherivas war vewnans Nance. Ass yw da dyski neppyth a’n re orth dallathvos a’n dasserghyans. Dell hevel dhymm, byttegyns, lies chons a veu kellys dhyn rag rekordya an taves hengovek kewsys. My a gows an seythen ma war hwedhel neb unn venyn trigys yn Porthia wosa Kynsa Bresel an Bys neb a wodhya kewsel nebes Kernewek dell hevel. My a dheuth erbynn den koth neb a wrug leverel y vamm dhe glappya an taves. Pan wovynnis pella, ev a wodhya an dihevelepter ynter rannyeth ha’n yeth drefen ev dhe dhyski an taves hag ev yowynk. Moy dhe les hwath, ev a lever bos lyver noten dh’y hwor, skrifys gans y das, hag ynno nebes a’y lavarow Kernewek. Heb mar, yth esov ow pysi dhodho dhe wovyn orth y hwor dh’y dhaskavos dison. Previ a wra hemma ass yw a-vri ragon dhe wovyn orth tus koth ow tochya an taves. Lemmyn, goslowewgh orth an dowlen veur.