Towlennik #323

Yth eson ni ow mires war-dhelergh dhe’n Bennseythen Gernewek an seythen ma. Yth eson ow klappya gans nebes an re neb a wrug synsi klass rag tus freth. Yth esa y’ga mysk Ray Chubb neb a gewsi ow tochya maga y deylu dre Gernewek. Unweyth arta, an gool ma o sewen hag yth esa meur a Gernewek kewsys ena. Mar mynnowgh gweles nebes a’n Bennseythen yn Tewynblustri, mirewegh orth Pellwolok an Gernewegva der Youtube. Yma towlen 15 mynysen dhyworth an Ostel. Ytho, Pask yw lemmyn hag yma bush a Gernowyon ow mos dhe Iwerdhon rag an Panceltic. An gool yw synsys yn Carlow hevlena hag yma The Grenaways ow kana a-barth Kernow. Ni a wra seni aga han arta y’n dowlen veur. Ytho, lemmyn, goslowewgh orth an dowlen veur.