Towlennik #331

Jun 10, 2017, 01:20 PM

Dalva an Yeth a wrug hwarvos nans yw seythen dhe Lys Kernow. Kernewegoryon a dheuth warbarth yn unn waytya godhvos moy a-dro dhe sewena ha kudynnow dhe ragdresow Kernewek. Yth esa presentyansow gans Gwedhen Owrek, Prag Na, Radyo an Gernewegva ha Lowender Peran. Res o dhedha leverel pandr’a wrug hwarvos y’n vledhen yw passyes ha pandr’a wra hwarvos y’n vledhen ow tos. Yth esa dadhel ynwedh war witha lagas war an ragdresow rag may fo chons a brevi bos spenys yn ta arghans an konsel. Mar mynnowgh gweles derivas war an hwarvos ma, y hyllir mires orth Pellwolok an Gernewegva der Youtube. Lemmyn, goslowewgh orth an dowlen veur.