ريم باشيري

Sep 03, 2015, 08:12 AM
C

الاسم: ريم باشيري. تاريخ الميلاد: 2 يوليو 1974 الدراسة: معهد الدراسات السياحية 1996. الوظيفة: منسقة برنامج المدافعات عن حقوق الإنسان بمؤسسة نظرة للدراسات النسوية.

"رحت عند صاحبتي في بيتها عشان ننزل من هناك. وقبل ما أنزل دخلت لأبو صاحبتي اللي كنت باعتبره زي أبويا فقلت له: احنا نازلين. فبمنتهى البساطة قال لي: طيب، مع السلامة. اللي هو – أنا متوقعة مثلا هيقول لي: خدوا بالكو من نفسكو. بلاش. انتو بنات. فقلت له: طيب مش عايز حاجة؟ لما ترجعوا طمنوني. اللي هو أنا مش متخيلة يكون دا رد فعله يعني. فأنا قلت له إن أنا ما قلتش لأهلي. فقال لي: لو حصل حاجة، هم هيعرفوا يتصلوا بيّ وأنا أطمنهم عليكو. بس أنا من جوايا كنت محتاجة حد يقول لي: انتي بتعملي حاجة صح. وهو تقريبا كان حاسس بدا وعمال يلف ويدور يعني. فسألته سؤال صريح، قلت له: يا عم مصطفى، احنا هننزل المظاهرات، الكلام دا حقيقي؟ قال لي: انتي لسه جاية بتسأليني النهاردا؟ أنا أساسا مستغرب إنتو ليه ما نزلتوش بدري عن كدا. " - ريم باشيري، منسقة برنامج المدافعات عن حقوق الإنسان بمؤسسة نظرة للدراسات النسوية