علا ابو الشلاشل

الاسم: علا ابو الشلاشل تاريخ الميلاد: 29 أكتوبر 1988 الدراسة: قسم اللغة الألمانية وآدابها، جامعة القاهرة الوظيفة: فنانة بصرية ومسؤولة تصميم الجرافيكس بمؤسسة نظرة للدراسات النسوية

يوم 31 يناير، ابتدايت ساعتها يجي لي أحلام بتاعة اللي هو طب أنا على مستوايا الشخصي، التغيير دا ممكن يؤثر عليّ أنا إزاي؟ إيه الحاجات اللي هتتغير اللي ممكن تؤثر عليّ أنا؟ يعني ممكن مثلا أمشي في الشارع من غير تحرشات طول الوقت مثلا؟ دا تغيير. ممكن مثلا إجراءات القسم تبقى أرحم؟ ممكن أعمل بطاقة من غير أبقى مقلّقة 7000 مرة ونازلة والموضوع تقيل جدا على قلبي؟ لو، ما أعرفش يعني، كل الحاجات اللي لها علاقة بحياتي اليومية والمجتمع والحكومة ابتدت تنبط كدا شوية في راسي. فابتديت اللي هو طب ما هي دي حياتي. بس ساعتها كان برضه مش منطقي بالنسبة لي إن ما أبقاش جزء من الناس اللي بتغير حاجات هتؤثر عليّ أنا في الآخر. فلو أنا عايزة أكون موجودة، فأنا لازم أكون موجودة فعليا مش موجودة باللي هو، آه أنا معاكو تمام، انزلوا انتو بقى