Towlennik #330

My re beu dhe-ves yn Dewnens rag unn seythen yn unn havi yn tylda gans ow mamm ha dew goweth. Rag henna, res o dhymm pareusi an dowlen nans yw seythen ha ny allav perthi kov pandr’a wrugavy gorra ynni. Dres henna, yma re a ober dhymm dh’y wul rag goslowes orti arta. Awos henna, my a lever dhywgh nebes a-dro dhe’m dy’gol. Yth esen vy ow kampya dhe dyller henwys Slapton yn rann a’n moyha dyghow yn Dewnens. Ranndir a dekter naturel a bris yw gans logh hir a-dryv dhe’n treth. Y hyllir gweles ydhyn hag enevales a lies eghen ena. Meur a vri yw awos tykkiow Duw. Yma keunek oll a-derdro dhe’n glannow ynwedh. Tre splann yw rag heyji hag ydhyn erel. Pur dhe les o mos dhe dyller yn ogas henwys East Portlemouth, tu aral a heyl dhe Salcombe, le mayth yw an bluw henwys war-lergh sanses meur hy bri yn Kernow ha Breten Vyghan – Gwynnwalo. Lemmyn, goslowewgh orth an dowlen veur ha goslowes orth pub tra mayth yw ankevys dhymm ynni.